Japp
Katrín Aagestad og Hildur Scheving
Katrín Aagestad og Hildur Scheving jappa á léttu nótunum um allt sem er merkilegt og ómerkilegt.
Katrín Aagestad og Hildur Scheving jappa á léttu nótunum um allt sem er merkilegt og ómerkilegt.
#22 Áhugamál
Þættir
Hvað telst eiginlega áhugamál? Er það rautt flagg að eiga engin áhugamál? Og myndirðu fá ick ef kærastinn þinn væri atvinnumaður í hobby horsing? Í þessum þætti jöppum við um allt frá frímerkjasöfnun, brimbrettum og heklun yfir í fuglaskoðun, skrítin áhugamál og þá eilífu freistingu að kaupa allan búnaðinn fyrir eitthvað sem maður ætlar að prófa. Þátturinn er í boði IDE House of Brands, Hydrate Cocowater og Indó.
Arnar Freyr frá tölvuleikjahlaðvarpinu Checkpoint Podcast mætir í Japp og við förum um víðan völl í heimi tölvuleikjanna.
Allt sem er spúkí og örlítið yfirnáttúrulegt 🎃 Íslenskar draugasögur, nornaveiðar, galdrabrennur og hryllingsmyndir sem hafa haldið fyrir okkur vöku. Nóg af hrolli, hjátrú og hlátri í þessum þætti 🕷️ Jappið er í samstarfi við IDE House of brands 🤝
Nostalgíuferð aftur í gamla góða daga! Rifjum upp Juicy gallana, Spice Girls, sveitaböllin og dramatíkina í The O.C. Við ræðum tískuslysin, tónlistina, fyrstu skotin og allt það sem mótaði æsku okkar.
Í þessum þætti fáum við okkar fyrsta gest, hana Árnýju Fjólu! Við förum í sveitina og spjöllum um allt milli súrheisturna og traktora!
Japp um útlit, fegurðarstaðla og allt sem við gerum til að líta aðeins betur út. Við rifjum upp hinn stórkostlega klikkaða raunveruleikaþátt The Swan, skoðum fegurðartrend í gegnum tíðina og veltum fyrir okkur hversu langt við erum tilbúin að ganga í leitinni að „fullkomna“ útlitinu.
Auglýsingar sem við munum ennþá, slagorð sem sitja föst í hausnum og markaðsbrellur sem virka aðeins of vel. Af hverju munum við sumt í áratugi og hvað fær okkur eiginlega til að kaupa?
Í þessum þætti jöppum við um sjóinn 🌊 Allt frá hafmeyjum og sjósundi yfir í Keikó og furðulegar staðreyndir úr djúpinu.
Í þessum þætti jöppum við um allt sem tengist afmælum 🎂 Afmælishefðir, afmælisstress, bestu og verstu afmælin, gjafir, veislur og allt sem fylgir því að eiga fæðingardag🎈
Hvenær verða peningar ókeypis og hver er raunverulegur máttur ókeypis heimsendingar? Sokkinn skvísukostnaður og skvísa rað. Allt þetta og meira til í nýjasta Jappinu!
Í þessum þætti er allt sett í topp 3. Allt frá því augljósa yfir í það sem enginn bað um að væri sett á lista.
Endalaust japp um allt sem einkennir haustið, rútínu álag, súpur og pumpkin spice.
Ef þú vilt pásu frá Jágúst og Neigúst þá er þetta þáttur fyrir þig. Kjósum já eða nei um allt nema ESB.
Japp um allar þær týpur sem umkringja okkur. Skinkan, baby goons, týpan okkar og hvað kemur eftir millenial green?
Hér jöppum við um undarleg störf, draumastörfin, önnur störf sem eru ekki endilega mjög spennandi og allt þar á milli.
Hlutir, fólk og fyrirbæri sem við viljum senda í skammarkrókinn.
Jappað um hinar ýmsu kenningar og samsæri. Hvernig voru píramídarnir eiginlega byggðir, hvað varð um Avril Lavigne og er Monopoly karlinn með einglyrni eða ekki?
Japp um gamla internetið og yfir í það nýja, söknuður betra.net tímanna og hvar er word bréfaklemman í dag?!?
Hvað gera íslendingar þegar sumarið kemur? Allt undir miðnætursólinni er rætt í þessum þætti.
Frægir og ekki frægir og smá frægir. Við jöppum um frægð á íslandi og góða íslandsvini.
Okkar persónulega og gellulega sjónarhorn á fótbolta og aðra eins íþróttaiðkun.
Hið fyrsta japp, meðal annars um kvikmyndir með toxísk skilaboð til ungra kvenna sem við marineruðumst í sem unglingar.
