Tveir kallar

Skilaboð berast frá Hollandi og trufla tvo kalla við að rifja upp menntaskólaárin þegar annar þeirra var fótboltasjomli og hinn dauðarokkari. Þeir snúa bökum saman og reyna að róa fíl í postulínsbúð, fá hataða hópa til að hata minna og svara að lokum spurningu áður en hún berst.

Nokkrir alveg ótrúlega óheppnir karlar fara saman í ferðalag, halda þriðja í páskum heilagan, gefa gjafir, fara í golf og hafa gaman en brjóta engin lög (svo sannað sé). Síðan fá þeir ofnæmi fyrir heiminum, stíga til hliðar og hefja störf við umönnun.

Tveir kallar eiga við ýmis heilsufarsvandamál að etja svo þeir fara í rannsóknir og tala um rannsóknir og láta stinga sig til blóðs. Í sjúkrarúmunum horfa þeir á heimildarmyndina Inside the manosphere og ræða hana. Sverrir Bergmann kemur ekki í heimsókn á sjúkrahúsið. Þeir hrósa hver öðrum enn einu sinni (er ekki komið nóg af þessari vitleysu?), drulla á sig og sýna af sér hvatvísi í hvívetna en hverjum er ekki drullusama – kallar mega allt.

Tveir kallar ropa án þess að segja afsakið, eru eitthvað pirraðir og reka hlaðvörp í umvörpum. Tveir kallar kalla kallakalla kallakalla en vita ekki alveg hvað þeir eiga að kalla kallakallapælingar dagsins svo þeir ákveða að njóta lista, lesa skáldskap og hringja í gamla vini sem þeir gleymdu.

Tveir kallar taka hlaðvarp í beinni útsendingu, hlustendum dagsins rignir inn í símtölum og báðir fara á trúnó. Ekkert eitthvað. Ging gang gúllí gúllí.

Tveir kallar tala um þumalputtablöðrur (ekki spyrja) og ógleymanlegar tölur, horfa á fræga kvikmynd sem fjallar ekki um það sem við héldum og ákveða síðan að gerast eltihrellar konu sem er ekki til. Síðan finna þeir sér sálfræðing. Ekki veitir af.

Tveir kallar deyja ungir og hefja eftirlífið þar sem þeir ræða óhjákvæmilega um trú og tilfinningar. Þeir verða vegan en eru svo umkringdir af konum yfir fimmtugt. Þá teleporta þeir sig í burtu. Minnum á umræðuhópinn okkar á Facebook, Instagrammið okkar og upptökur af þáttunum á tveirkallar.is

Tveir kallar mislesa aðstæður og mistekst að halda uppi kurteislegum samræðum svo þeir flýja land og skoða sig um í Japan. Þeir finna pillur og gamlar glósubækur og nagandi ótti um óuppgerð mál grípur um sig. Finnið okkur á Instagram, tveirkallar.is og svo er umræðuhópur á Facebook.

Tveir kallar mæta í skítakulda í fordómabygginguna, segja „sæll, vinur“ og gefast upp á kennslu. Þeir velta fyrir sér hvort það sé í raun og veru hægt að taka samtalið við kollega og svo mála þeir sig.

Útkall, útkall! Annar kallinn er vant við látinn svo hinn kallinn kallar út enn annan kall, svokallaðan útkall, sem svarar kallinu. Þessir tveir kallar lenda í myglu svo þeir setja ilmefnafrítt rúðupiss á bílinn og bruna í barnaafmæli, gefa léleg ráð og ýta á vitlausa takka.

Tveir kallar gera samfélagsmiðlatilraunir í fortíð og nútíð og eflaust framtíð líka, skoða karla og umhverfi þeirra og neita að fara að sofa. Svo flytja börnin þeirra að heiman.

Í sérstökum jólaþætti fá tveir kallar óvænta heimsókn frá Gáttaþefi og spyrja hann út í heimilisstörf í hellum, goðsögnina um barnaát, jólalagatexta sem eru bara eitthvert bull, kartöflurækt á fjöllum og af hverju sum fá lengur eða meira í skóinn en önnur. Athugið að þátturinn ER við hæfi barna. Gleðileg jól og verið góð hvert við annað.

Tveir kallar festast í lyftu og bíða þess aldrei bætur, týna frisbígolfdisk og furða sig á verkalýðsleiðtoga. Síðan segja þeir siðspilltum stórfyrirtækjum stríð á hendur. Instagram @tveirkallar tveirkallar.is

Tveir kallar fá flugfreyju og sjómann til að hjálpa sér, verða grasekklar, pakka í spítalatöskuna, eru gerðir útlægir, leiðrétta málfræði hvor annars (nei ok, bara á annan veginn) og hringja í flugmann á Tenerif. E.

Tveir kallar leita bæði þriggja fyrrverandi fylgjenda og sökudólgsins sem ber ábyrgð á lækkaðri fæðingartíðni og Valgeir Dór kemur úr felum en lýsir skömmustulegur ströggli við atvinnuleit og krefst svara fyrir hönd reiðra karla. Brjálað að gera.

Tveir kallar eru boðnir í partí og mæta ekki því þeir vilja frekar horfa á sjónvarpið. Mesti rasisti og mesta karlremba landsins hafa samband en verra er að Tveir kallar lenda í small talki úti í búð. Síðan þarf að kjósa hver verður rekinn úr samfélaginu. Horfðu á tveirkallar.is

Tveir kallar kaupa sér sportbíl og bruna af stað. Á leiðinni fara þeir í „hvort myndirðu frekar“, greiða úr flækjum, gubba, fara í kulnun, læra að smíða, finna gömlu vopnin sín og þrífa stór heimilistæki eins og

Tveir kallar ætla að ganga í leynireglu fyrir karla en mega ekki vera memm svo þeir fara óboðnir í afmæli í staðinn. Óvænt símtal á sér stað og þeir gerast bæði leiðtogar í költi og ráðherrar. Tveirkallar.is Tveir kallar á Instagram

Þátturinn ætti náttúrulega að heita Aðalkall því þetta er Páll Óskar. Þetta er ekki viðtalsþáttur heldur tekur Palli þátt í hefðbundnum dagskrárliðum með Tveimur köllum. Saman ræða þeir að sjálfsögðu um fótbolta (ha?), bakslagið, framlengingarsnúrur, kyndilbera minnihlutahópa, ókynslóðabundna tónlist og veiðileyfi á trans fólk. „Við getum víst lifað saman undir sama þaki, í sama herbergi. Við getum víst verið saman í sömu skólastofu. Við getum víst verið saman í sama skólanum. Við getum víst farið saman á sama skólaballið.“ Horfðu á tveirkallar.is Vertu með á Instagram

Tveir kallar eignast fyrsta barnið sitt og lífið tekur stakkaskiptum – sem endar með skilnaði og ósköpum. Þeir ranka við sér í aftursætinu hjá mömmu að borða normalbrauð og leita sér að fyrirmyndum því þegar allt kemur til alls eru þeir bara litlar karlrembur að reyna að skilja heiminn og finna tóninn sinn. Horfðu tveirkallar.is Fylgstu með á Instagram

Tveir kallar lenda í þýskum heimildarþætti svo þeir raka sig og halda afmæli, stilla upp air fryer og nota nóg af MSG. Trúnó dagsins er svo nokkuð sem hlustendur hafa beðið eftir frá fyrsta þætti Tveggja kalla. Horfðu á tveirkallar.is Fylgstu með á Instagram

Tveir kallar skamma hvor annan, komast að því að náinn vinur hefur stundað hatursorðræðu, tala um konur karlanna sem sogast inn í manosphere-ið og í Hlustanda dagsins er alveg bannað að snúa út úr sem minnir mig á frænda minn sem fékk einu sinni bronkítis á siglingu inn í Svartahafið. Horfðu tveirkallar.is

Tveir kallar fá hótun frá nágranna, lenda í fábreytnibyltingunni, gleyma sér í símanum og ættleiða barn. tveirkallar.is

Tveir kallar skoða gröf og greiningar, trans og tölfræði, fylgni og fjöldatölur. Fyrst tala þeir þó að sjálfsögðu um dauðann. Eftir að þeir hafa velt fyrir sér hvers vegna örvhentu fólki hefur farið fjölgandi svarar annar þeirra kollega sem hefur farið með fleipur um hann. Í lokin keyra þeir hringveginn og deila uppskriftum með hlustendum. Eðlilega. Tveir kallar á Instagram Horfðu á tveirkallar.is

Tveir kallar fara til tannlæknis og dýralæknis en þegar það á að fara að draga þá til sálfræðings líka þykir þeim nóg komið og fara að horfa á sjónvarpið. Síðan grafa þeir hund. Tveir kallar á Instagram tveirkallar.is

Tveir kallar fá Björgvin Franz Gíslason til liðs við sig til að svara því hvort það megi ekkert grínast lengur. Þeir leggja leið sína í piparsveinsíbúð í miðbænum þar sem Björgvin trúir þeim fyrir nokkru sem hann hefur nánast engum sagt áður og fara svo á sportbar þar sem þeim berst óvænt ástarjátning.

Tveir kallar læra um muninn á staðreyndum og skoðunum, fara í fýlu í mörg mörg ár og ætla sko aldrei aftur að tala við vin sinn en fá síðan óvænta gjöf sem þeir þola ekki. Þökkum áheyrnina og þiggjum endurgjöf hér eða á Instagram. @tveirkallar og tveirkallar.is

Tveir kallar fara víða í þessum þætti, kíkja meðal annars á djammið, taka þátt í eftirlitsferð óbreyttra borgara og fara svo beint á AA-fund.

Tveir kallar telja tröppur og tala um trans fólk en fara svo að pissa og hitta einhvern sem heilsar þeim innilega en þeim finnst þeir aldrei nokkurn tíma hafa séð hann áður.

Tveir kallar bregða sér á leik í amerískum fótbolta í Fíladelfíu og yfir löðrandi (vegan) cheesesteak í hálfleik fara þeir á trúnó um þunglyndi sem lét lítið á sér kræla en hafði ógnvekjandi áhrif þegar til kastanna kom. Þátturinn er ekki í boði Sertral.

Tveir kallar fara á ströndina með börnin, velta fyrir sér hvort þeir noti konuna sína sem andlega ruslatunnu og fela sig svo inni á klósetti til að hlaða félagslega batteríið. Tveir kallar á YouTube Tveir kallar á Instagram tveirkallar.is

Tveir kallar fara á miðilsfund, velta fyrir sér hvort ofbeldi sé að aukast í samfélaginu og redda í algjöru stressi afmælisgjöf fyrir 11 ára frænku.

Tveir kallar eru á leiðinni til Hollywood, fara á trúnó um heimilisstörfin og skilgreina það sem kollegar hafa þráspurt um: Hvað er karlmennska?

Öðrum kallinum er komið á óvart með snúnum barsvarsspurningum, stressaður fyrirlesari opnar sig og Tveir kallar segja frá því hvað varð til þess að þeir urðu femínistar.

Tveir kallar eru á leiðinni til læknis þegar það springur dekk. Þeir fara létt með að skipta og ræða á meðan um heimgreiðslur til mæðra.

Tveir kallar detta of snemma og of djúpt í trúnó, kíkja inn í mannhvelið (e. manosphere) og velta fyrir sér muninum á uppeldi drengja þá og nú.

Tveir kallar skorast ekki undan áskorunum og fóru því á námskeið um fyrirbæri sem heitir gagnræða. Í þættinum setja þeir frá því og fara svo að þrífa símann hans Steina með sterkum hreinsiefnum á meðan þeir reyna að svara áleitinni spurningu sem sótt hefur á karla frá aldaöðli: Má ekkert lengur?

Tveir kallar fara í gönguferð um landið og hlusta á róandi árniðinn og harðasta þungarokk sem Steini hefur heyrt. Síðan ákveða þeir að það þurfi að breyta lógóinu þeirra.

Tveir kallar ræða um uppeldi stráka, rifja upp vandræðalegt blogg og játa svo óheppilegan atburð að þeir hreinlega meika ekki að taka fyrir hlustanda dagsins. Sjáumst á Instagraminu Tveir kallar. Þar geturðu sent okkur áskorun fyrir hlustanda dagsins og séð á bakvið tjöldin. Þú getur líka horft á þennan þátt á tveirkallar.is

Þessi þáttur er um … við munum það eiginlega ekki alveg því það ruddist einhver kall inn í stúdíóið og sló okkur alveg út af laginu. En það var eitthvað þarna um stráka og hægrið, mann í netrifrildameðferð og hrútskýringar.

Tveir kallar prófa að manifesta, tala um nafnlausa netkalla og lenda í bílslysi. Instagram: Tveirkallar Horfðu: Tveirkallar.is

Í þættinum velta Tveir kallar fyrir sér af hverju annar þeirra sé svona asnalega smámunasamur, skoða tölfræði um heilsu karla og pakka ofan í leikskólatösku. Horfðu á tveirkallar.is eða skoðaðu meira á Instagram-inu @tveirkallar.

Í þættinum bregða Tveir kallar sér til Danmerkur, ræða um fyrirvinnu heimilisins og hvað fari í taugarnar á þeim í fari hins kallsins. Horfðu á þáttinn á tveirkallar.is

Tveir kallar tala um getnaðarvarnir, biðja þjóðþekktan femínista afsökunar í gufubaði og setja upp Barnaloppubás. Horfðu: http://www.tveirkallar.is/

Tveir kallar með podcast (þetta hefur aldrei verið gert áður). Í fyrsta þætti ræðum við vinasambönd karla, förum í bátsferð og gefum út yfirlýsingu. Umsjón: Haukur Bragason og Þorsteinn V. Einarsson Tónlist: Pétur Jónsson Instagram: @tveirkallar Heimasíða: tveirkallar.is [í vinnslu]